ფრაქცია „ქართული ოცნების“ თავმჯდომარის, მამუკა მდინარაძეს განცხადებით, ოპოზიცია შეცდომას უშვებს, როდესაც ამბობს, რომ საკონსტიტუციო კომისია იქმნება.
მისი განმარტებით, შეიქმნება საორგანიზაციო კომისია, რომელიც ცვლილებების საყოველთაო განხილვების ორგანიზებას მოახდენს.
„მინდა შევახსენო რომ ეს არ არის საკონსტიტუციო კომისია, შეცდომას უშვებენ. ეს არის საორგანიზაციო კომისია, რომელიც მხოლოდ და მხოლოდ ორგანიზებას გაუკეთებს საყოველთაო სახალხო განხილვებს. აქაც ფორმალური იქნება პრაქტიკულად იქიდან გამომდინარე, რომ საკონსტიტუციო რეფორმის პროცესი არის დასრულებული და ხდება მხოლოდ და მხოლოდ იმ ოთხი საკითხის გაფორმება, მიღება ახალი ინიცირების ფარგლებში, რომელზეც შედგა შეთანხმება საქართველოს პარლამენტის ხელმძღვანელობასა და ვენეციის კომისიას შორის,“-აცხადებს ფრაქცია „ქართული ოცნების“ თავმჯდომარე მამუკა მდინარაძე.
ცნობისთვის, მმართველი გუნდი საორგანიზაციო ჯგუფის შემადგენლობას დღეს დაამტკიცებს.
