მანჰეტენში მომხდარ თავდასხმას აშშ პრეზიდენტი გამოეხმაურა. „ჩვენ არ უნდა მივცეთ „ისლამური სახელმწიფოს“ მებრძოლებს ჩვენს ქვეყანაში მოხვედრის საშუალება მას შემდეგ, რაც ის ახლო აღმოსავლეთში სრულად განადგურდება. საკმარისია!“ -წერს ტრამპი სოციალურ ქსელ ტვიტერში. თავდასხმა მანჰეტენზე გვიან საღამოს განხორციელდა. 29 წლის ტერორისტმა პიკაპი ჯერ ფეხით მოსიარულეებსა და ველოსიპედებს, შემდეგ კი სასკოლო ავტობუსს დააჯახა, რომელშიც ინვალიდი ბავშვები ისხდნენ. ბოლო ინფორმაციით, თავდასხმას 8 ადამიანი ემსხვერპლა, 11 კი დაშავდა.
