აი, იმ ხალხს მოვუწოდებ [ქართული მარშის წევრებს], რომ იძახიან რომ პატრიოტები არიან და სიჭინავა აღიარებსო აფხაზეთის დამოუკიდებლობას, აი, იმ ხალხს მოვუწოდებ - 4 საათზე, 4-ში, შაბათს, ჩამობრძანდით რუხში, მე იარაღით ხელში დაგიდგებით გვერდით და გადავიდეთ [აფხაზეთში], - ამის შესახებ ფეხბურთის ფედერაციის ყოფილმა პრეზიდენტმა ზვიად სიჭინავამ ტელეკომპანია "პირველის" გადაცემა "რეაქციაში", "ქართული მარშის" წევრების მისამართით განაცხადა.
ზვიად სიჭინავამ გურამ კაშიას მხარდაჭერა კიდევ ერთხელ გამოუცხადა.
"ჩემო ბატონებო, მე ვიცი რომ ძალიან გაწუხებთ ის ჩემი სადღეგრძელო, მაგრამ მე გეტყვით ასეთ რაღაცას: მოდით, ჩვენ დავამტკიცოთ ის ვაჟკაცობა და ის პატრიოტიზმი 4 ნოემბერს, რუხის ხიდთან, 4 საათზე, მე გელოდებით, იარაღით ხელში, გადავიდეთ და ავიღოთ სოხუმი. აი, იმ ხალხს მოვუწოდებ, რომ იძახიან რომ პატრიოტები არიან და სიჭინავა აღიარებსო აფხაზეთის დამოუკიდებლობას, აი, იმ ხალხს მოვუწოდებ - 4 საათზე, 4-ში, შაბათს, ჩამობრძანდით რუხში, მე იარაღით ხელში დაგიდგებით გვერდით და გადავიდეთ. ჩემთვის ეს უფრო ძნელია, იმიტომ რომ ჩემი ცოლი ნახევრად აფხაზია, ჩემს შვილში აფხაზური სისხლია, მაგრამ გეუბნებით, მე "ზადნის" არავის არ მივცემ", - განაცხადა ზვიად სიჭინავა.
