გერმანულ კომპანიებს ყირიმში არ უმუშავიათ და არც მომავალში იმუშავებენ. ამის შესახებ ქვეყნის პრეზიდენტმა ფრანკ-ვალტერ შტაინმაიერმა განაცხადა. მისივე თქმით, რუსი პარტნიორების მიმართ გერმანულ კომპანიებს ნდობა დაკარგული აქვთ, რადგანაც კომპანია სიმენსთან რუსულმა მხარემ კონტრაქტის პირობები დაარღვია და რუსეთისთვის განკუთვნილი ტურბინები ყირიმის ნახევარკუნძულზე მოხვდა. სკანდალში რუსული მხარე მას შემდეგ გაეხვა, რაც სიმენსისგან შეძენილი საგაზო ტურბინები სევასტოპოლის ელექტროსადგურის მშენებლობისთვის გამოიყენა.
