გერმანიის პრეზიდენტმა ფრანკ-ვალტერ შტაინმაიერმა მინისტრთა კაბინეტი დაითხოვა. მანამდე შტაინმაიერმა ოფიციალურად მიმართა ანგელა მერკელს, შეასრულოს მთავრობის მეთაურის მოვალეობა მინისტრთა ახალი კაბინეტის ფორმირებამდე. მმართველი კოალიციის ფორმირების შესახებ მოლაპარაკებები 18 ოქტომბერს დაიწყო და რამდენიმე კვირას გასტანს. დღეს კი მუშაობას შეუდგა მე-19 მოწვევის ბუნდესტაგი, რომელმაც თავმჯდომარედ ფინანსთა ყოფილი მინისტრი ვოლფგანგ შოიბლე აირჩია. გერმანიაში ბუნდესტაგის არჩევნები 24 სექტემბერს გაიმართა და მასში ანგელა მერკელის ბლოკმა გაიმარჯვა.
