საერთაშორისო სამართლის თვალსაზრისით ყირიმი უკრაინის ნაწილია. ამის შესახებ რუსეთის პრეზიდენტობის მომავალმა კანდიდატმა, ტელეწამყვანმა ქსენია სობჩაკმა საგანგებო პრესკონფერენციაზე განაცხადა.
„უკრაინა რუსეთის უმნიშვნელოვანესი პარტნიორია და ამ ქვეყანასთან არამარტო ნორმალური, არამედ საუკეთესო ურთიერთობების აღდგენა ჩვენთვის ერთ-ერთი ყველაზე მნიშვნელოვანი ამოცანა უნდა იყოს. საერთაშორისო სამართლის თვალსაზრისით, ყირიმი უკრაინის ნაწილია, ყველაფერ დანარჩენზე კი უნდა ვისაუბროთ,“-აღნიშნა სობჩაკმა.
