ევროპას უფრო მეტად სჭირდება თურქეთი, ვიდრე თურქეთს ევროპა. ამის შესახებ ქვეყნის პრეზიდენტმა რეჯეფ თაიფ ერდოღანმა განაცხადა.
„ევროპაში ჯერ შეიძლება არ აღიარონ ეს მოცემულობა, მაგრამ ფაქტი ის არის, რომ ევროპისთვის ქრონიკული პრობლემების წამალი თურქეთია. ევროპა არსებულ გამოწვევებთან გამკლავებას მხოლოდ იმ შემთხვევაში შეძლებს, თუ თურქეთი ევროკავშირის წევრი გახდება,“-აღნიშნა ერდოღანმა.
