საარჩევნო პროცესი თავისუფალ, მშვიდ და დემოკრატიულ პირობებში ტარდება, - ამის შესახებ "ქართული ოცნების" თბილისის მერობის კანდიდატის კახა კალაძის საარჩევნო შტაბის ხელმძღვანელმა არჩილ თალაკვაძემ განაცხადა.
მან "ქართული ოცნების" მხარდამჭერებს მოუწოდა, რომ არჩევნებში მონაწილეობა მიიღონ.
"ჩვენი მხარდამჭერები აქტიურობენ, გვაქვს დიდი მხარდაჭერა და აუცილებელია, საჭიროა, რომ თითოეული ჩვენი მხარდამჭერი მივიდეს დღეს საარჩევნო ყუთთან და დააფიქსიროს არჩევანი. ეს არის იმის გარანტია, რომ მომავალი განვითარების პროცესი იქნება უფრო სწრაფი, უფრო დინამიური. ჩვენ გვექნება მეტი კეთილდღეობა ოჯახებში და ქვეყანაში. აქვე მინდა გითხრათ, რომ არჩევნებს აკვირდებიან სადამკვირვებლო ორგანიზაციები, საარჩევნო პროცესი თავისუფალ, მშვიდ და დემოკრატიულ პირობებში ტარდება", - განაცხადა არჩილ თალაკვაძემ.