"ნაციონალური მოძრაობის" მერობის კანდიდატმა ზაალ უდუმაშვილმა თვისი არჩევანი დააფიქსირა და ამომრჩეველს აქტიურობისკენ მოუწოდა.
როგორც მერობის კანდიდატმა აღნიშნა, ხმა წარმატებულ თბილისს, შვილების მომავალს, ადამიანებზე და თბილისელებზე ორიენტირებულ ქალაქს მისცა.
"დღეს ძალიან მნიშვნელოვანია დღეა და მინდა, ყველა ამომრჩეველს მოვუწოდო, რომ აუცილებლად იაქტიურეთ. მოდით არჩევნებზე დააფიქსირეთ თქვენი პოზიცია, ვინაიდან ახლა თქვენ განსაზღვრავთ ამ ქალაქის ბედს, თქვენა ხართ ამ ქალაქის ბედის განმკარგველები და სწორედ თქვენი აქტიურობა იქნება იმის გარანტია, რომ გაყალბებას არჩევნებზე თავიდან ავიცილებთ. კარგი საარჩევნო ამინდის დღეს და მობრძანდით არჩევნებზე", - განაცხადა უდუმაშვილმა.
