ხმა მივეცი ქუთაისის განვითარებას, რომ ეს ნამდვილად იყოს პოლიტიკური დედაქალაქი, - ამის შესახებ ქუთაისში „ნაციონალური მოძრაობის“ მერობის კანდიდატმა გრიგოლ ვაშაძემ განაცხადა, რომელმაც საკუთარი არჩევანი 22-ე უბანზე დააფიქსირა.
მისი თქმით, ხმა ქუთაისის განვითარებას მისცა.
"პირველად გავაკეთე არჩევანი ქუთაისში, ხმა მივეცი ქუთაისის განვითარებას, რომ ეს ნამდვილად იყოს პოლიტიკური დედაქალაქი. მხარი დავუჭირე იმას, რომ არ იყოს სიდუხჭირე ქალაქში, არ იყოს შიმშილი და არ იყოს ქუჩაში ჩალის ფასად დაყრილი ნარკოტიკები", - განაცხადა გრიგოლ ვაშაძემ.
ცნობისთვის, საქართველოში თვითმმართველობის არჩევნები მიმდინარეობს. მოქალაქეები მთელი ქვეყნის მასშტაბით 64 საკრებულოს 2 058 დეპუტატს და 64 მერს პირდაპირი წესით, 4 წლის ვადით აირჩევენ.
