„ქართული ოცნების“ თბილისის მერობის კანდიდატმა, კახა კალაძემ თავისი არჩევანი უკვე დააფიქსირა.
როგორც კალაძემ აღნიშნა, დღეს გადაწყვეტილებას დედაქალაქის მოსახლეობა მიიღებს.
„მე გავაკეთე არჩევანი, რომ ჩვენი ქალაქი იყოს ეკოლოგიურად სუფთა, ტრანსპორტი იყოს მოწესრიგებული, ქალაქი უნდა იყოს სიყვარულით, ისტორიით, კულტურით სავსე, მჯერა, რომ ჩვენ ამას ერთად, აუცილებლად, მოვახერხებთ.
დედაქალაქის მოსახლეობა მიიღებს გადაწყვეტილებას დღეს, დაველოდოთ, საღამოს ყველაფერი გახდება ცნობილი“, - განაცხადა კახა კალაძემ.
ცნობისთვის, მერობის კანდიდატმა ხმა თბილისის მესამე ოლქის 64-ე საარჩევნო უბანზე მისცა.