უკრაინის განვითარებას და ევროკავშრის სტანდარტებთან შესაბამისობაში მოყვანას ქვეყანაში გამეფებული კორუცია აფერხებს. ამ შინაარსის განცხადებით ევროპის საბჭოს პრეზიდენტმა დონალდ ტუსკმა და ევროკომისიის თავმჯდომარემ ჟან კლოდ იუნკერმა უკრაინის პრეზიდენტს, პეტრო პოროშენკოს მიმართეს. ევროპელი ლიდერები კიევში უკრაინა-ევროკავშირის სამიტის ფარგლებში ჩავიდნენ. შეხვედრა ევროპასთან ასოცირების ხელშეკრულების რატიფიცირების შემდეგ პირველად გაიმართა.
