აშშ-ის ყოფილი პრეზიდენტი ჯიმი კარტერი თავს შეუძლოდ გრძნობს. ის კანადის საავადმყოფოში გაუწყლოვნების დიაგნოზით მოათავსეს. ექსპრეზიდენტის წარმომადგენლის თქმით, კარტერის ამჟამინდელი მდგომარეობა სტაბილურია. 92 წლის ექსპრეზიდენტმა თავი შეუძლოდ გუშინ საღამოს იგრძნო და ის კლინიკაში გამოსაკვლევად გადაიყვანეს. კარტერი პრეზიდენტის პოსტს 1977- 1981 წლებში იკავებდა. 2002 წელს ის ნობელის მშვიდობის პრემიის ლაურეატი გახდა.
