პოლონეთში ვადამდელი საპრეზიდენტო არჩევნები მიმდინარეობს.
ძირითად კანდიდატებად პრეზიდენტის მოვალეობის შემსრულებელი პარტია "სამოქალაქო პლატფორმის" ლიდერი ბრონისლავ კომაროვსკი და ტრაგიკულად დაღუპული პოლონეთის პრეზიდენტის ლეხ კაჩინსკის ტყუპისცალი ძმა, პარტია "კანონი და სამართლიანობის" ლიდერი იაროსლავ კაჩინსკი სახელდება.
ეგზითპოლების შედეგების თანახმად კომაროვსკი ლიდერობს, თუმცა პოლონელი ექსპერტების განცხადებით, დღევანდელ არჩევნებში ვერც ერთი კანდიდატი ხმების ნახევარზე მეტს ვერ მიიღებს, ამიტომ პოლონეთის პრეზიდენტის ვინაობა სავარაუდოდ მეორე ტურში გაირკვევა.
შეგახსენებთ, რომ პოლონეთში ვადამდელი საპრეზიდენტო არჩევნები ლეხ კაჩინსკის სმოლენსკში ტრაგიკულად დაღუპვის გამო დაინიშნა. სმოლენსკის აეროპორტში პოლონეთის პრეზიდენტის კატასტროფის დროს ქვეყნის პირველი პირი, მისი მეუღლე მარია კაჩინსკი, მთავრობის წევრები და სამხედრო მაღალჩინოსნები დაიღუპნენ.
