"მოხარული ვარ, რომ ვხედავ ჩვენი საკრედიტო პორტფელის სიძლიერეს, რაც გამოიხატება გამოყოფილი თანხების ათვისების მაღალი კოეფიციენტით. ეს ხდის საქართველოს პროგრამას ერთ-ერთ ყველაზე უკეთ მოქმედს. მსოფლიო ბანკი აფინანსებს პროგრამებს ეკონომიკური ზრდის ხელშესაწყობად და ახალი სამუშაო ადგილების შესაქმნელად, აგრეთვე ისეთ პროგრამებს, რომლებიც ეხმარება სოციალურად დაუცველ ადამიანებს. ყოველივე ეს მოიცავს მნიშვნელოვან საგზაო სამუშაოებს, სოციალურ დანახარჯებს უკიდურესად გაჭირვებულთათვის, წყლისა და მუნიციპალურ მომსახურებას და პირველადი ჯანდაცვის ცენტრებისა და საშუალო სკოლების რეაბილიტაციას", - განაცხადა ფილიპ ლე რუმ.

ლე რუ ეწვია მსოფლიო ბანკის მიერ დაფინანსებულ პროექტებს: პირველადი ჯანდაცვის ობიექტს სოფელ ოკამში, იძულებით გადაადგილებულ პირთა დასახლებას ბერბუქში, აღმოსავლეთ-დასავლეთის მაგისტრალის მშენებარე მონაკვეთს, გამოცდების ეროვნულ ცენტრს და შჩADA ელექტროენერგიის სადისპეჩერო ცენტრს.

ლე რუ შეხვდა საქართველოს პრეზიდენტს მიხეილ სააკაშვილს, სადაც მან ახსენა ეკონომიკური აღმავლობა და მისი გაძლიერების მხარდაჭერა. ლე რუმ აღნიშნა, რომ მსოფლიო ბანკი მჭიდროდ თანამშრომლობს მთავრობასთან, რათა უზრუნველყოს არსებული პროექტების წარმატება და დამატებითი რესურსების მოპოვება საქართველოსთვის. პრეზიდენტმა ხაზი გაუსვა დამატებითი დაფინანსების საჭიროებას და ბანკის მიერ ეკონომიკური ანალიზის საჭიროებას, რათა მხარი დაეჭიროს მთავრობის მნიშვნელოვან გადაწყვეტილებებს.

პრემიერ-მინისტრთან შეხვედრისას, მხარეეებმა განიხილეს ქვეყნის ეკონომიკის არსებული მდგომარეობა და საქართველოსა და ბანკს შორის თანამშრომლობის გაღრმავების გზები. ბანკი მხარს უჭერს საქართველოს მთავრობის მიერ არჩეულ ეკონომიკური რეფორმების მიმართულებას და კრზისის დროსაც კი საინვესტიციო კლიმატის გაძლიერებას და სოციალური დაცვის პროგრამებს. ლე რუმ და პრემიერ-მინისტრმა ყურადღება გაამახვილეს საქართველოს წინსვლისათვის საგზაო პროექტების სტრატეგიულ მნიშვნელობაზე, მაგრამ აღნიშნეს, რომ სამუშაოებმა უნდა ჩაიაროს გარემოზე უარყოფითი ზემოქმედების თავიდან აცილების პოლიტიკის შესაბამისად. პრემიერ-მინისტრმა ხაზი გაუსვა პრიორიტეტულ სექტორებში მსოფლიო ბანკის მხარდაჭერით განხორციელებული პროექტების მნიშვნელობას ბანკისა და საქართველოს მჭიდრო სტრატეგიულ თანამშრომლობისათვის.

ლე რუმ პრემიერ მინისტრს ძალისხმევის დასაფასებლად გადასცა მსოფლიო ბანკის სიგელი საქართველოში ომის შემდგომი საჭიროებათა ერთობლივ შეფასებაში, რომელიც გახდა მესამე ყოველწლიური კონკურსის "ადამიანთა ცხოვრების გაუმჯობესება ევროპასა და ცენტრალურ აზიაში" ერთ-ერთი გამარჯვებული.

ლე რუ კმაყოფილებით აღნიშნა მთავრობის, ჰუმანიტარული სააგენტოებისა და დონორების ერთობლივი ძალისხმევა, რის შედეგადაც იძულებით გადაადგილებული პირები მკაცრი ზამთრის დადგომამდე, კონფლიქტიდან 4 თვეში უზრუნველყვეს საცხოვრებელი სახლებით.

საქართველოში ყოფნისას, ფილიპ ლე რუმ მოინახულა სვანეთის რეგიონი და იხილა ბათუმის სწრაფი განვითარება. მას ორივეგან ახლდა ფინანსთა მინისტრი კახა ბაინდურაშვილი, ინფრასტრუქტურისა და რეგიონალური განვითარების მინისტრის მოადგილე, ლაშა გოცირიძე, და მთავრობის სხვა წევრები.

"აღფრთოვანებული ვარ ქართველების სითბოთი და სტუმართმოყვარეობით, საქართველოს სილამაზით. განსაკუთრებით კმაყოფილი ვარ სვანეთში სტუმრობით. საქართველოს აქვს ზრდის პოტენციალი შემდეგ სექტორებში: ტურიზმი, სოფლის მეურნეობა და ენერგეტიკა. აქაური მოსახლეობის უნარებს სჭირდებათ დახვეწა, რათა შეიქმნას სამუშაო ადგილები, გაძლიერდეს ტექნიკური ბაზა, მხარი დაეჭიროს ზრდას და შემცირდეს სიღარიბე", - განაცხადა ლე რუმ.

მსოფლიო ბანკმა საქართველოსთან თანამშრომლობის ახალი სტრატეგია (CPS) 2010-2013 წლებისათვის 2009 წლის სექტემბერში დაამტკიცა. აღნიშნული სტრატეგია შემუშავდა ორმაგი კრიზისის - 2008 წლის აგვისტოს კონფლიქტისა და გლობალური ეკონომიკური კრიზისის ფონზე და მიმართულია კონფლიქტის შემდგომ პერიოდში წარმოქმნილი საკითხების გადაწყვეტაზე ახლო ვადებსი და ნიადაგის გამყარებაზე ქვეყნის კონკურენტუნარიანობისა და ეკონომიკური ზრდისთვის საშუალოვადიან პერსპექტივაში. საქართველომ მსოფლიო ბანკისგან 49 პროექტის განსახორციელებლად 1.4 მილიარდამდე აშშ მიიღო.