სპორტული კვლევების ცენტრი მსოფლიოს 100 ძვირადღირებული ფეხბურთელის სიას აქვეყნებს. რეიტინგში ბარსელონას ბრაზილიელი ფორვარდი ნეიმარი ლიდერობს, რომელიც 246,8 მილიონ ევროდ არის შეფასებული. მეორე ადგილს ბარსელონას არგენტინელი თავდამსხმელი ლიონელ მესი იკავებს (170,5 მილიონი ევრო), მესამე პოზიციაზე კი მანჩესტერ იუნაიტედის ნახევარმცველი პოლ პოგბაა (155,3 მილიონი ევრო). რაც შეეხება წლევანდელი ოქროს ბურთის მფლობელს, კრიშტიანო რონალდოს, რეიტინგში ის მე-7 ადგილზეა განწესებული.
