აშშ პრეზიდენტმა გამოსამშვიდობებელი სიტყვით გამოსვლისას თავი ვერ შეიკავა. პრეზიდენტის რანგში ის სიტყვით ბოლოჯერ გამოვიდა. გამოსათხოვარ სიტყვაში თეთრი სახლის ლიდერმა ამერიკისთვის მთავარ საფრთხეებად რასიზმი, ეკონომიკური უთანასწორობა და პოლიტიკოსების წინააღმდეგ მიმართული სიცრუის კამპანია დაასახელა. ობამამ ყურადღება მსოფლიო წესრიგის, ადამიანის უფლებათა დაცვის, რელიგიური ფანატიზმისა და ავტოკრატიის საკითხებზეც გაამახვილა. გამოსამშვიდობებელ საღამოს ჩიკაგოში 20 ათასზე მეტი ადამიანი დაესწრო.
