სტამბოლის პოლიციამ ცნობილი თურქი მოდელიორი დააპატიმრა. ბარბაროს შანსალი ათა თურქის აეროპორტში დააკავეს. მიზეზი მის მიერ ახალი წლის დღეებში სოციალურ ქსელებში გამოქვეყნებული ვიდეო გახდა, სადაც ის თურქეთის ხელისუფლებას კორუფციაში ადანაშაულებდა. მოდელიორი კვიპროსში იმყოფებოდა. ანკარამ მისი ექსტრადიცია მოითხოვა. დეპორტირებულ მოდელიორს აეროპორტში აგრესიულად განწყობილი ერდოღანის მხარდამჭერები დახვდნენ, თუმცა პოლიციამ ვითარების განმუხტვა დროულად შეძლო.
