საახალწლო შვებულების პერიოდში რუსეთის პრეზიდენტი იმუშავებს და სპორტით დაკავდება. ამის შესახებ პუტინის პრეს-მდივანმა განაცხადა. „სრულფასოვანი დასვენება მას არ გამოუვა, რადგანაც ძალოვან და ოპერატიულ სტრუქტურებთან სატელეფონო ხაზზე იქნება, თუმცა იმის საშუალება მიეცემა, რომ სპორტის საყვარელ სახეობებს დაუთმოს დრო. რაც შეეხება პრეზიდენტის საახალწლო სუფრას, ის ამ მხრივ ძალიან მოკრძალებული ადამიანია და უპირატესობას ჯანსაღ და მოკრძალებულ კვებას ანიჭებს,“-აღნიშნა დიმიტრი პესკოვმა.
