აშშ-ის ახლად არჩეული პრეზიდენტის შეფასებით, გაერო წარმოადგენს კლუბს, სადაც ხალხი ერთმანეთს ხვდება და დროს სასიამოვნოდ ატარებენ.
დონალდ ტრამპის თქმით, სამწუხაროდ, გაერო არ იყენებს იმ პოტენციალს, რომელიც გააჩნია.
„გაერო-ს იმხელა პოტენციალი გააჩნია, მაგრამ ახლა ის წარმოადგენს კლუბს, სადაც ხალხი ერთმანეთს ხვდება, საუბრობენ და სასიამოვნოდ ატარებენ დროს. რა სამწუხაროა“, - დაწერა ტრამპმა „ტვიტერის“ პირად გვერდზე.
აშშ-ის ახლად არჩეულმა პრეზიდენტმა 24 დეკემბერს გაერო-ს უშიშროების საბჭოს ისრაელთან დაკავშირებულ რეზოლუციაზე ვეტოს დადებისკენ მოუწოდა და განაცხადა, რომ 20 იანვრის შემდეგ „გაერო-სთან დაკავშირებით ყველაფერი შეიცვლება“.
