ისრაელის პრემიერ-მინისტრმა ბენიამინ ნეთანიაჰუმ გაერო-ს რეზოლუციასთან დაკავშირებით, აშშ-ის ელჩი დაიბარა. ისრაელის მთავრობის მეთაური ახსნა-განმარტებისთვის კიდევ 10 ქვეყნის - მათ შორის საფრანგეთის, დიდი ბრიტანეთის, რუსეთის, ჩინეთისა და ესპანეთის ელჩების დაბარებას აპირებს.
გაერო-ს უშიშროების საბჭომ 23 დეკემბერს მიიღო რეზოლუცია, რომელიც ისრაელის მიერ მდინარე იორდანეს დასავლეთ სანაპიროზე ებრაული დასახლების მშენებლობის შეწყვეტას ითხოვს.
კენჭისყრაზე ხმის მიცემისგან თავი მხოლოდ აშშ-მა შეიკავა. მანამდე შტატების ნებისმიერი მსგავსი პროექტის წინააღმდეგ ვეტოს უფლებას იყენებდა.
ისრაელის მთავრობის წევრებმა განაცხადეს, რომ მათი ქვეყანა საერთაშორისო ორგანიზაციის მიერ მიღებული დოკუმენტის შესრულებას არ აპირებს.
