რუსეთის თავდაცვის სამინისტროს კუთვნილი თვითმფრინავის ჩამოვარდნის მიზეზი სავარაუდოდ ტექნიკური გაუმართაობა გახდა. ამის შესახებ სააგენტო რია ნოვოსტი იტყობინება. ტუ-154 ადლერის აეროპორტიდან დილის 5 საათზე აფრინდა და რამდენიმე წუთში რადარებიდან გაუჩინარდა. თვითმფრინავის ბორტზე 83 მგზავრი და ეკიპაჟის 8 წევრი იმყოფებოდა. მათ შორის მოსუკოსები და რუსეთის პირველი არხის ჟურნალისტებიც იყვნენ. რუსეთის თავდაცვის სამინისტროს ინფორმაციით, თვითმფრინავი შავ ზღვაში, სანაპიროდან კილომეტრ ნახევრის დაშორებით ჩამოვარდა. სამაშველო ოპერაცია კატასტროფის ადგილას ამ წუთებშიც გრძელდება.
