შობის ღამეს სანტა-კლაუსმა მსოფლიოს ყველა ქვეყანა შემოიარა, რათა ბავშვებისათვის საჩუქრები დაერიგებინა. ტრადიციულად, სანტას მარხილის მოგზაურობის ნახვა ამერიკის საჰაერო-კოსმოსური თავდაცვის გაერთიანებული სარდლობის სპეციალურ ვებ-გვერდზე იყო შესაძლებელი. „ნორადმა“ ამისთვის სპეციალური ცხელი ხაზიც აამუშავა. სანტამ ერთი დღის განმავლობაში მილიარდობით საჩუქარი დაარიგა. შობის ღამეს სანტა-კლაუსის მარხილის მოგზაურობის თვალთვალის ტრადიცია შეერთებულ შტატებში უკვე წლებია, არსებობს.
