თურქეთი ჩრდილოეთ სირიაში ახალი სახელმწიფოს შექმნას არ დაუშვებს. ამის შესახებ თურქეთის პრეზიდენტმა სტამბოლში საგარეო ეკონომიკური კავშირების საბჭოს სხდომაზე განაცხადა.
„ ანკარა თავიდანვე უჭერდა მხარს სირიაში ტერორისტული ორგანიზაციებისგან თავისუფალი ზონის შექმნას. თუ ამას ვერ შევძლებთ, სირიასთან მოსაზღვრე პროვინციებში საფრთხეები შენარჩუნდება“, - აღნიშნა ერდოღანმა.
თურქეთის ლიდერმა შემთხვევა ხელიდან არ გაუშვა და ევროკავშირი პირობის შეუსრულებლობისთვის კიდევ ერთხელ გააკრიტიკა. მისი თქმით, ლტოლვილებისთვის გამოყოფილი 3 მილიარდი ევროდან თურქეთს ჯერ მხოლოდ 677 მილიონი აქვს მიღებული.
„ეს თანხა ლტოლვილებს უნდა მოხმარდეს და არა თურქეთს, მაგრამ მათ ამ ადამიანების ბედი არ აღელვებთ,“-აგანაცხადა თურქეთის ლიდერმა.
