გამოძიების ფედერალური ბიურო ამერიკის მოქალაქეებს მოსალოდნელი ტერორისტული აქტების შესახებ აფრთხილებს. უწყების განცხადებით, ისლამური სახელმწიფო შობის დღეებში შეერთებული შტატების ტერიტორიაზე მასშტაბური ტერაქტების მოწყობას შეეცდება. „მათ რამდენიმე ონლაინ-პუბლიკაცია უკვე გამოაქვეყნეს, სადაც ნათქვამია, რომ ეკლესიებზე თავდასხმას გეგმავენ. ეფ-ბი-აი ამ ინფორმაციას ამოწმებს და ამერიკის მოქალაქეებს მაქსიმალური სიფრთხილისკენ მოუწოდებს,“-ნათქვამია განცხადებაში.
