რუსეთში სპირტის შემცველი პროდუქციის რეალიზებაზე კონტროლი მკაცრდება. საგანგებო განკარგულება პრეზიდენტმა პუტინმა გამოსცა. რადიკალური ზომების მიღება კრემლის ლიდერს ირკუტსკში მომხდარმა ტრაგედიამ აიძულა, სადაც პოლიციამ მასობრივი მოწამვლის ფაქტზე 11 ადამიანი დააკავა. მათ უმრავლესობას ფალსიფიცირებული პროდუქციის გამოშვების ბრალდება წაუყენეს. როგორც გაირკვა, ლოსიონი ბოიარიშკინი ჯანმრთელობისთვის საშიშ ნივთიერებას, ეთილის სპირტს შეიცავდა. ლოსიონი ირკუტსკის 100-მდე მცხოვრებმა დალია, რასაც 62 მათგანი ემსხვერპლა. ათობით ადამიანი მძიმე მოწამვლის ნიშნებით ადგილობრივ კლინიკებში რჩება.
