ანკარაში რუსეთის ელჩის მკვლელობაზე პასუხისმგებლობა სირიულმა დაჯგუფებამ „ჯეიშ ალ ფატაჰმა“ აიღო. ეს ინფორმაცია ცოტა ხნის წინ ერაყულმა ტელეარხმა ალ სუმარიამ გაავრცელა. თავდასხმა რუსეთის ელჩზე ანკარაში 2 დღის წინ მოხდა. ანდრეი კარლოვს გამოფენაზე სიტყვით გამოსვლისას ზურგში ესროლეს. თავდასხმის შემდეგ თურქეთში მასობრივი დაკავებები დაიწყო. ბოლო მონაცემებით, პოლიციამ 13 ადამიანი დააპატიმრა. რამდენიმე მათგანი ფეტულა გიულენის ორგანიზაციასთან კავშირშია ეჭვმიტანილი. ოფიციალური ანკარა თავდასხმის ორგანიზებაში სწორედ ამერიკაში მცხოვრებ გიულენს ადანაშაულებს.
