გაერო ფილიპინების პრეზიდენტის წინააღმდეგ გამოძიების დაწყებას მოითხოვს. ამის მიზეზი როდრიგო დუტერტეს სკანდალური აღიარება გახდა. ერთ-ერთ პრესკონფერენციაზე ფილიპინების ლიდერმა ღიად განაცხადა, რომ რამდენიმე კრიმინალი პირადად ჰყავს მოკლული, რითაც სამართალდამცავებს ბანდიტურ დაჯგუფებებთან ბრძოლის სტიმულს აძლევდა. მასშტაბური რეიდები ნარკო-დაჯგუფებების წინააღმდეგ ფილიპინებში უკვე რამდენიმე თვეა, გრძელდება, რასაც ათობით ათასი ადამიანი ემსხვერპლა. ამის გამო დუტერტეს ადამიანის უფლებების დარღვევაში ადანაშაულებენ.
