თურქეთში რუსი დიპლომატის მკვლელობაში შეერთებული შტატების დადანაშაულება სასაცილოა. ამის შესახებ სახელმწიფო დეპარტამენტის წარმომადგენელმა ჯონ კირბიმ განაცხადა. მისივე თქმით, სახელმწიფო მდივანმა ჯონ ქერიმ თურქულ მხარეს გამოძიებაში დახმარება უკვე შესთავაზა, ვაშინგტონმა კი დიპლომატის მკვლელობა მკაცრად დაგმო. „იმის გამო, რომ შეერთებულ შტატებში ფეტულა გიულენი იმყოფება, ვაშინგტონისთვის ასეთი ბრალდების წაყენება ყოვლად მიუღებელია,“-აღნიშნა კირბიმ.
