ბერლინის პოლიქციამ ტერაქტში ეჭვმიტანილი გაათავისუფლა. როგორც ბიბისი იტყობინება, დაკავებულს დანაშაული არ დაუმტკიცდა. მასშტაბური ტერორისტული აქტი ბერლინში 19 დეკემბრის საღამოს განხორციელდა. საშობაო ბაზრობაზე შეჭრილმა სატვირთო ავტომანქანამ 12 ადამიანი იმსხვერპლა, 50-მდე კი დაშავდა. სატვირთოს მძღოლმა გაქცევა შეძლო. ინციდენტიდან რამდენიმე საათში პოლიციამ ახალგაზრდა პაკისტანელი დააკავა, თუმცა როგორც ირკვევა, ის ტერაქტში არ მონაწილეობდა. პოლიცია თავდამსხმელს ამ დრომდე ეძებს.
