ამერიკის მომავალი სახელმწიფო მდივანი ხმაურიან სკანდალში გაეხვა. როგორც გერმანული გამოცემა ცაიტუნგი წერს, რექს ტილერსონს ოფშორული კომპანია ჰქონდა. საუბარია ექსონ ნეფტოგაზის შვილობილ კომპანიაზე, რომელიც ბაჰამებზე იყო დარეგისტრირებული. კომპანიის დირექტორთა საბჭოში ტილერსონიც ირიცხებოდა. ექსონ ნეფტოგაზი რუსული პროექტის, სახალინ ერთის ოპერატორი კომპანია იყო. რექს ტილერსონს ამერიკის არჩეულმა პრეზიდენტმა დონალდ ტრამპმა სახელმწიფო მდივნობა 2 კვირის წინ შესთავაზა. ცნობილია, რომ მომავალ სახელმწიფო მდივანს რუსეთთან საქმიანი ურთიერთობები აკავშირებდა და პუტინთანაც მეგობრობდა.
