გავრცელებულ ინფორმაციას იმის შესახებ, რომ ბან კი მუნი შესაძლოა სამხრეთ კორეის პრეზიდენტი გახდეს, გაეროს გენერალური მდივანი არც უარყოფს და არც ადასტურებს. გენერალური მდივნის რანგში მან ბოლო პრესკონფერენცია გამართა. მუნის თქმით, უფლებამოსილების ამოწურვის შემდეგ ის სამშობლოში გამგზავრებას გეგმავს. კითხვაზე, სურს თუ არა პრეზიდენტის პოსტის დაკავება, გაეროს გენერალურ მდივანს პირდაპირი პასუხი არ გაუცია, თუმცა განაცხადა, რომ სამხრეთ კორეაში არსებული მწვავე პოლიტიკური კრიზისის მოგვარებაზე იზრუნებს. გენერალური მდივნის პოსტზე 1 იანვარს მუნს ანტონიო გუტერიში შეცვლის.
