ამბოხებულებმა ალეპოდან გასვლისას მძევლების აყვანა სცადეს. ამის შესახებ სირიული ტელეარხი ალ-იხბარია იტყობინება. გავრცელებული ინფორმაციით, რამუსის რაიონში ოპოზიციის მებრძოლებმა ცეცხლი გახსნეს და ცოცხალ ფარად რამდენიმე ადამიანის აყვანას შეეცადნენ, რის შედეგადაც ევაკუაციის პროცეში შეფერხდა. სირიული მედიის ცნობით, ამბოხებულებმა ქალაქიდან გასვლამდე იარაღის საწყობები და სამეთაურო შტაბებიც ააფეთქეს. ევაკუაციის დაწყებაზე შეთანხმება 3 დღის წინ იქნა მიღწეული. გუშინ ალეპო 3 ათასზე მეტმა ადამიანმა დატოვა. ევაკუაციის მოლოდინშია 50 ათასამდე ადამიანი.
