სირიის ქალაქ ალეპოში მყოფი ობოლი ბავშვები
ადამიანთა უფლებადამაცველ ორგანიზაციებს დახმარებას სთხოვენ. CNN-ის მიერ გავრცელებულ კადრებში ბავშვები აცხადებენ, რომ შესაძლოა ეს მათი უკანასკნელი მიმართვა იყოს.
,,შესაძლოა ეს ბოლო ჩანაწერი იყოს, რასაც ხედავთ და გესმით. მე იასმინ ქანოუზი ვარ, 10 წლის. უკვე ორი წელია ობოლი ვარ. ჩემი დედ-მამა ორი წლის წინ ავიაიერიშების დროს დაიღუპნენ.
ამ განცხადებით მთელი მსოფლიოს მასშტაბით ადამიანთა და ბავშვთა უფლებადამცველ ორგანიზაციებს მივმართავ, რათა ალეპოს ტერიტორიის დატოვებაში დაგვეხმარონ. მჯერა, ალეპოს დატოვება შეგვიძლია.
ჩვენ ვითხოვთ, რომ ჩვენი, უფლებები დაცული იყოს. ვიმედოვნებთ, რომ შეგიძლიათ ალეპოს დატოვებაში დაგვეხმაროთ. 47 ობოლი აქ ვართ. ისინი ყველანი ჩემი ძმები და დები არიან.
თითოეულ ჩვენგანს საკვები და სასმელი, ასევე ალეპოს ტერიტორიის დატოვება გვსურს. ჩვენ მშვიდობა გვსურს და ავიაიერიშების გვეშინია. გთხოვთ დაგვეხმარეთ. გვსურს ისევე ვიცხოვროთ, როგორც სხვები ცხოვრობენ“,- აცხადებენ ბავბშვები.
