ამერიკის არჩეულმა პრეზიდენტმა დონალდ ტრამპმა სახელმწიფო მდივნის თანამდებობაზე უმსხვილესი ნავთობკომპანიის, ექსონ მობილ ის ხელმძღვანელი რექს ტილერსონი შეარჩია. ტილერსონის კანდიდატურა, რომელსაც „პუტინის მეგობრად“ მოიხსენიებენ, სენატმა უნდა დაამტკიცოს. ტრამპის თქმით, ტილერსონი თავისი გამოცდილებითა და პროფესიონალიზმით რეგიონში სტაბილურობის დამყარებას შეუწყობს ხელს და ამერიკის ეროვნული უსაფრთხოების ინტერესებს დაიცავს. სახელწმიფო მდივნობის კანდიდატი მრავალი წლის განმავლობაში თანამშრომლობდა რუსეთთან. 2013 წელს ტილერსონი რუსეთის პრეზიდენტმა ვლადიმერ პუტინმა მეგობრობის ორდენითაც დააჯილდოვა.
