ფრანგი სამართალდამცველები მძარცველების ჯგუფს ეძებენ, რომლებმაც 70 კილოგრამი ოქრო მოიპარეს. ინციდენტი ქალაქ ლიონის მახლობლად მოხდა. მძარცველებმა ინკასაციის მანქანას გზა გადაუღობეს, მილიონ 600 ათასი დოლარის ღირებულების ოქრო გაიტაცეს და დაცვის წევრები მანქანაში ჩაკეტეს. შემთხვევის ადგილიდან მიმალვისას მათ თავიანთ ავტომობილს ცეცხლი წაუკიდეს და სამხილები გაანადგურეს. ხანძარი სხვა მანქანებს, მათ შორის, საინკასაციო მიკროავტობუსსაც მოედო, თუმცა დაცვის თანამშრომლების გამოყვანა ძალოვანებმა მანქანიდან დროულად შეძლეს.
