დღეს, 5 ივნისს, სიღნაღში ყვავილების გამოფენა გაიმართება. როგორც "ჯი-ეიჩ-ენს" ღონისძიების ორგანიზატორებმა აცნობეს, გამოფენა ტურიზმისა და კურორტების დეპარტამენტის ორგანიზები სიღნაღის, როგორც ტურისტული ქალაქის განვითარების პროექტის ფარგლებში იმართება.
გამოფენა "ბებრების ბაღთან" 13:30 საათზე გაიხსნება, რომელშიც თბილისში არსებული ყვავილების მაღაზიები მიიღებენ მონაწილეობას, რომლებიც სტანდარტული, ასევე გენური ინჯინერიით გამოყვანილი ჯიშების მცენარეებს წარმოადგენენ.
ამასთან, 5 ივნისიდან სიღნაღის სტუმრებს საშუალება მიეცემათ ორგანიზებულად მოინახულონ სიღნაღის და მთლიანად კახეთის რეგიონის ტურისტული ღირსესანიშნაობები. პროექტის ფარგლებში ტურისტულმა კომპანიამ "დისქავერ სიღნაღმა" რამოდენიმე ტიპის მარშრუტი შეიმუშავა როგორც უცხოელი, ასევე ადილობრივი ვიზიტორებისათვის. პაკეტში სხვადასხვა ტურისტული ღირშესანიშნაობების მონახულება, კვება, განთავსება, კულტურულ ღონისძიებებზე დასწრება, ღვინის მარნების მონახულება და სხვ. ტურისტებს მოემსახურებიან ადგილობრივი გიდები შედის.
აღნიშნული პროექტის ფარგლებში ტურიზმისა და კურორტების დეპარტამენტისა და საქართველოს შემომყვან ტურ-ოპერატორთა ასოციაციის ორგაბიზებით სიღნაღში 16 ადგილობრივი გიდი მომზადდა, რომელთაც გადაეცათ შესაბამისი სერთიფიკატები.
ტურისტული მომსახურეობის შესახებ ინფორმაციის მიღება შესაძლებელია სიღნაღის ტურიზმის საინფორმაციო ცენტრში.
აღსანიშნავია, რომ სირნაღში ეთნოგრაფიულ მუზეუმში თანამედროვე ევროპული ხელოვნების გამოფენა მიმდინარეობს, რომელიც 6 თვე გაგრძელდება, ასევე შაბათ-კვირას ცირკი შაპიტოს წარმოდგენები, სახალხო კონცერტები, ხელნაკეთი ნივთების გამოფენა-გაყიდვა, საბავშვო წარმოდგენები და სკაუტების ვიზიტიც იმართება.
