freedom house -ის მიერ გამოქვეყნებული ანგარიშში, რომელიც ადამიანის უფლების დაცვას ეხება ე. წ. სამხრეთ ოსეთი "უარესთა შორის უარესის" კატეგორიაში მოხვდა.
საერთაშორისო ორგანიზაციის მიერ გამოქვეყნებულ ყოველწლიურ ანგარიშში "უარესთა შორის უარესში" სულ 17 ქვეყანა და სამი ტერიტორიული ერთეული მოხვდა.
დასკვნის თანახმად, რეიტინგში ადამიანის უფლებათა დაცვის კუთხით ყველაზე სავალალო მდგომარეობა 9 ქვეყანაშია. ეს ქვეყნებია - ბირმა, ეკვატორიული გვინეა, ერითრეა, ლიბია, ჩრდილოეთ კორეა, სომალი, სუდანი, თურქმენეთი და ტიბეტის ტერიტორიული ერთეული.
ზემოთ ხსენებულმა ქვეყნებმა ფრეედომ ჰოუსე-ის 1-იდან 7-ბალიანი ქულების სისტემის მიხედვით ყველაზე დაბალი ქულა - 7 მიიღეს, როგორც პოლიტიკური, ასევე საზოგადოების თავისუფლების კუთხით (1-დან 7-მდე ქულების სისტემაში 1 ქულა უმაღლესად ითვლება, ხოლო 7 ყველაზე დაბალ ქულად).
აღნიშნულ ქვეყნებს ბელორუსია, ჩადი, ჩინეთი, კუბა, გვინეა, ლაოსი, საუდის არაბეთი, სირია და ორი ტერიტორიული ერთეული - ე. წ. სამხრეთ ოსეთი და დასავლეთ საჰარა მოჰყვება, რომლთაც პოლიტიკური თავისუფლების კუთხით ყველაზე დაბალი - ქულა მიიღეს, ხოლო საზოგადოების თავისუფლების კუთხით 6 ქულა.
freedom house -ის შეფასებით, აღნიშნულ ქვეყნებში პოლიტიკური საქმიანობა, ხელისუფლების კრიტიკა და ოპოზიციური პარტიების საქმიანობა ძალიან არის შეზღუდული.
freedom house -ის აღნიშნული დასკვნა მსოფლიოს სხვადასხვა პოლიტიკოსზე, ადამიანის უფლებათა დამცველ ორგანიზაციებზე და ადვოკატებზე დაყრდნობით მომზადდა. კვლევა 194 ქვეყანაში და 14 ტერიტორიულ ერთეულში ერთი წლის განმავლობაში ტარდებოდა.
