იენს სტოლტენბერგმა დონალდ ტრამპს საპრეზიდენტო არჩევნებში გამარჯვება მიულოცა. ნატოს გენერალურმა მდივანმა განაცხადა, რომ ამერიკის მომავალ პრეზიდენტთან შეხვედრას მოუთმენლად ელის.
„მსოფლიოში განვითარებული მოვლენების ფონზე ძალიან მნიშვნელოვანია ამერიკის ხელისუფლების პოზიცია. შეერთებული შტატები ნატოს წევრი ძლიერი სახელმწიფოა. ძლიერი ნატო ძლიერი ამერიკის ინტერესებში შედის. ჩვენ წინ ძალიან დიდი სამუშაო გვაქვს. სწორედ ამიტომ, მოუთმენლად ველი დონალდ ტრამპთან შეხვედრას და მის მონაწილეობას მომავალი წლის სამიტში,“-აღნიშნა სტოლტენბერგმა.
