სამხრეთ კორეამ ჩრდილოეთ კორეის განადგურების გეგმა შეიმუშავა. ამის შესახებ სააგენტო „იონჰაპი“ იტყობინება. გავრცელებული ინფორმაციით, სამხრეთ კორეის პარლამენტმა ჟურნალისტებს უკვე წარუდგინა გეგმა, სახელწოდებით „საპასუხო ზომები და მასირებული დასჯა,“ რომელიც ფხენიანის ნებისმიერი აგრესიის შემთხვევაში ბალისტიკური რაკეტებით ყველა იმ ობიექტების განადგურებას ითვალისწინებს, სადაც შესაძლოა ჩრდილოეთ კორეის ლიდერები აფარებდნენ თავს. სეული თავდაცვის უკიდურეს ზომებზე მას შემდეგ ალაპარაკდა, რაც ჩრდილოეთ კორეამ გასულ პარასკევს ბირთვული იარაღი გამოცადა.
