დნესტრისპირეთმა რუსეთის შემადგენლობაში შესვლისთვის მზადება დაიწყო. შესაბამის განკარგულებას დეფაქტო რესპუბლიკის ლიდერმა ევგენი შევჩუკმა ხელი უკვე მოაწერა. მისივე განკარგულებით, საყოველთაო რეფერენდუმი დნესტრისპირეთში 17 სექტემბერს ჩატარდება. შევჩუკის განკარგულებას უკვე გამოეხმაურა ოფიციალური კიშინიოვი. მოლდოვური მხარე აცხადებს, რომ დეფაქტო ლიდერის მიერ გამოცემულ ბრძანებულებას არანაირი იურიდიული ძალა არ აქვს.
