პრეზიდენტად არჩევის შემთხვევაში ჰილარი კლინტონი ერაყსა და სირიაში სახმელეთო ოპერაციის დაწყებას არ აპირებს. ამის შესახებ პრეზიდენტობის დემოკრატმა კანდიდატმა ნიუ იორკში გამართულ პრესკონფერენციაზე განაცხადა. „მე არაერთგზის მითქვამს, რომ სირიასა და ერაყში ჯარების შეყვანა ისლამური სახელმწიფოს წინააღმდეგ ბრძოლაში გაუმართლებელი და არაპროდუქტიული იქნება, რადგანაც ამ კონფლიქტში შეერთებული შტატების ჩათრევა ტერორისტთა ინტერესებში შედის. მე მომხრე ვარ საჰაერო ოპერაციებისა და დაზვერვის წარმოების,“-აღნიშნა კლინტონმა.
