პრეზიდენტობის დემოკრატი კანდიდატის, ჰილარი კლინტონის ბრალდებებს ოფიციალური მოსკოვი ეხმაურება. საგანგებო განცხადება საგარეო საქმეთა სამინისტროს წარმომადგენელმა მარია ზახაროვამ გააკეთა. „ბრალდებები იმის შესახებ, რომ რუსეთი შეერთებული შტატების წინასაარჩევნო კამპანიაში ერევა და რომ თეთრ სახლს რუსი ჰაკერები ესხმიან თავს, უკვე მოძველდა. ეს ყველაფერი მიზნად ელექტორატის ყურადღების მიქცევას ისახავს, მაგრამ ხალხის მხარდაჭერას ამით ვერ მოიპოვებთ. ხალხს უნდა არა აბსურდული ბრალდებები, არამედ ახალი იდეები,“-აღნიშნა ზახაროვამ. ჰილარი კლინტონმა მოსკოვი წინასაარჩევნო კამპანიაში ჩარევასა და ჰაკერულ თავდასხმებში, კონკურენტი ტრამპი კი მოსკოვთან თანამშრომლობაში დაადანაშაულა.
