შოტლანდიის მთავრობა დამოუკიდებლობის გამოცხადების შესახებ ახალი რეფერენდუმის ჩასატარებლად საკანონმდებლო ბაზას ამზადებს. ამის შესახებ შოტლანდიის პირველმა მინისტრმა ნიკოლა სტერჯენმა განაცხადა. მისივე თქმით, ბრექსიტის შედეგები შოტლანდიის მოსახლეობის დიდი ნაწილის ინტერესებში არ შედის, რადგანაც ევროკავშირიდან ბრიტანეთის გასვლით ერთიანი ევროპა შოტლანდიამაც უნდა დატოვოს. ბრიტანეთის შემადგენლობიდან გასვლის თაობაზე რეფერენდუმი შოტლანდიაში 2014 წლის სექტემბერშიც ჩატარდა, თუმცა ელექტორატის 55 პროცენტმა ხმა გაერთიანებულ სამეფოში დარჩენას მისცა.
