გერმანიის მთავრობა თურქეთში, ინჯირლიკის ავიაბაზის დასაფინანსებლად, 65 მილიონ ევროს გამოყოფს. ამის შესახებ გამოცემა „შპიგელი“ იტყობინება. სოლიდური თანხა აეროდრომის მშენებლობას მოხმარდება, რომელსაც ტორნადოს ტიპის გერმანული ავიაგამანადგურებლებისთვის გამოიყენებენ. ბაზაზე სამხედრო მოსამსახურეებისთვის კეთილმოწყობილი ყაზარმები და თანამედროვე ტიპის მობილური სამეთაურო პუნქტიც განთავსდება. თურქეთის ხელისუფლებასთან შეუთანხმებლობის შემთხვევაში გერმანული მხარე სამეთაურო პუნქტის ლიკვიდაციის უფლებას იტოვებს.
