ისრაელის სატრანსპორტო სისტემა მთელი დღის განმავლობაში პარალიზებული იყო. ამის მიზეზი ულტრაორთოდოქსების მიერ სარკინიგზო მაგისტრალების გადაკეტვა გახდა. ისინი შაბათობით სარემონტო სამუშაოების შეჩერებას მოითხოვდნენ. ისრაელის პრემიერ-მინისტრმა ბენიამინ ნეთანიაჰუმ აქციის მონაწილეთა მოთხოვნა დააკმაყოფილა და განაცხადა, რომ შაბათობით რკინიგზაზე მიმდინარე სამუშაოები შეჩერდება. ულტრაორთოდოქსული პარტია, რომელიც მმართველ კოალიციაში შედის, საკუთარ მოთხოვნას რელიგიური მოტივით ხსნის და აცხადებს, რომ შაბათობით ყველანაირი სამუშაო შეჩერებული უნდა იყოს. წინააღმდეგ შემთხვევაში ისინი კოალიციის დატოვებით იმუქრებიან.
