ბრაზილიის პრეზიდენტი პოსტიდან ოფიციალურად გადააყენეს. დილმა რუსეფის გადადგომას ხმა 61-მა სენატორმა მისცა, რაც იმპიჩმენტის პროცესის დასასრულებლად საკმარისი აღმოჩნდა.
პრეზიდენტის მოვალეობას 2019 წლის 1 იანვრამდე ვიცე-პრეზიდენტი მიშელ ტემერი შეასრულებს. რუსეფს კი სენატი საბიუჯეტო კანონმდებლობის დარღვევაში ადანაშაულებს. ოპოზიციის მტკიცებით, ყოფილმა პრეზიდენტმა 2014 წლის საარჩევნო კამპანიისას საბიუჯეტო დეფიციტის რეალური მაჩვენებელი დამალა.
