ირანის უმთავრეს, ფორდოს ატომური რეაქტორის დასაცავად რუსეთის წარმოების ს-300 ტიპის საზენიტო-სარაკეტო კომპლექსი განთავსდა. ,,რადიო თავისუფლების” ინფორმაციით, ამის შესახებ საჰაერო თავდაცვითი ძალების სარდალმა, გენერალმა ფარზად ესმაილიმ უთხრა 28 აგვისტოს ირანის ერთ-ერთ სახელმწიფო ტელეარხს და დასძინა, რომ ამიერიდან „ირანის ცა, ყველაზე უფრო დაცული გახდა მთელ რეგიონში“.
ტელევიზიის მიერ გავრცელებულ ვიდეოკადრზე ჩანს რუსეთის წარმოების ს-300 ტიპის საზენიტო-სარაკეტო კომპლექსი, რომლის რაკეტები და სხვა შეიარაღება საბრძოლო მზადყოფნაშია მოყვანილი.
ვოდეოკადრის გავრცელებამდე ირანის უზენაესმა სასულიერო ლიდერი აიათოლა ალი ხამენეი შეხვდა ქვეყნის სამხედრო სარდლობას და განაცხადა, რომ ს 300 ტიპის საზენიტო-სარაკეტო სისტემა არის თავდაცვითი და არა შეტევითი. „მიუხედავად ამისა, აშშ-ი ყველაფერს აკეთებდა, რომ ირანს ეს შეიარაღება არ ჰქონოდაო“, - დასძინა ხამენეიმ.
