გადამოწმების შედეგად ამომრჩეველთა სიის თავდაპირველ ვარიანტში სულ 35 164 შესწორება შევიდა, მათ შორის 2 538 გარდაცვლილი მოქალაქის შესაბამისი მონაცემთა ბაზიდან ამოღებას შეეხებოდა. რაც შეეხება სიაში გამოტოვებულ ამომრჩევლებს, რომელსაც ოპოზიციური პარტიები ერთ-ერთ უმწვავეს ხარვეზად ასახელებდნენ, ცესკომ ასეთები საერთოდ ვერ აღმოაჩინა.

"პოლიტიკური პარტიების მიერ მოწოდებული ინფორმაციის თანახმად, 3,843 მოქალაქე არ იყო შეყვანილი ამომრჩეველთა სიაში. გადამოწმების შედეგად 2,074 მოქალაქე აღმოჩნდა ამომრჩეველთა სიაში იმავე ან სხვა მისამართზე. 1,368 მოქალაქის იდენტიფიკაცია ვერ მოხერხდა წარმოდგენილი მონაცემების საფუძველზე. სხვადასხვა გარემოებას ჰქონდა
ადგილი 401 მოქალაქის შემთხვევაში.

საბოლოოდ, წარმოდგენილი ინფორმაციის საფუძველზე ცესკოს მიერ ვერ იქნა გამოვლენილი გამოტოვებული ამომრჩეველი სიაში", - ნათქვამია ცესკოს მიერ გამოქვეყნებულ ანგარიშში.