ეკონომიკური განვითარების ცენტრის თავმჯდომარე რომან გოცირიძე ”ჯი-ეიჩ-ენთან” ლარი გამყარების ტენდენციის შესახებ საუბრობს და 8 ძირითად ფაქტორს ასახელებს. შეგახსენებთ, რომ დღეს ეროვნული ბანკის მონაცემებით, 1 აშშ დოლარის ღირებულებამ 2,3575 ლარი შეადგინა.
”ლარი მკვეთრად გამყარდა. ამის მთავარი მიზეზი არის ის, რომ იგი ერთი თვის წინ მკვეთრად არ უნდა დაცემულიყო (2,39-დან 2,50-მდე). ის ფაქტორი, რამაც მისი გაუფასურება გამოიწვია, დიდ წილად მოხსნილია. ეს იყო მთავრობის მიერ ბიუჯეტში შემოსავლების მობილიზებაში წარმოქმნილი პრობლემების გადაწყვეტა ე.წ. დეფიციტური ხარჯვით, რაშიც ძველი ნაშთებიდან ბიუჯეტის დაფინანსება ჰქვია. წინა თვის ბოლოს მან 264,8 მილიონ ლარს მიაღწია. რა მიზეზებმა გაამყარა ლარი: 1. დეფიციტური ხარჯვის შემცირება 2. ბიუჯეტიდან მიმდინარე თვის პირველ ნახევარში ხარჯვის ფაქტობრივი გაჩერება( გაიცა მხოლოდ პენსიები და აუცილებელი თანხები) 3.იანვართან შედარებით ექსპორტის გარკვეული გამოცოცხლება( იანვარში ექსპორტმა იკლო 22 პროცენტით, თებერვალში 11-ით) 4. უცხოეთიდან გადმორიცხვების ზრდა(იანვარში 66,5 მილიონი დოლარი, თებერვალში 79,9. თანაც ტრანსფერების კლების ტემპი მნიშვნელოვნად შემცირდა. იანვარში იკლო წინა წლის შესაბამის პერიოდთთან შედარებით 11, 8 პროცენტით, თებერვალში მხოლოდ 2,6-ით), 5.ტურისტების რაოდენობა გაიზარდა 6. ყველაზე მთავარი, დღევანდელი მკვეთრი გამყარების მიზეზი: დღეს დღგ-ს გადსხდის ბოლო დღეა და მასობრივად ხდება დოლარების გაყიდავა გადასახდების დასაფარავად. მარტში ხდება წლიური მოგების გადასახადების მეოთხედის გადახდა და საწარმოები ცდილობენ ახლავე იყიდონ ლარები, გამომდინარე დოლარის გაუფასურების ფაქტიდან. 7. გარკვეულ როლს აჟიოტაჟიც თამაშობს. ზოგი იცილებს დოლარს შემდეგი გაუფასურების შიშით. 8. ბოლოს, დათბა. ნაკლები ვალუტა გადის გაზისა და სხვა "საზამთრო" საქონლის შესაძენად”, - აცხადებს ”ჯი-ეიჩ-ენთან” საუბარში გოცირიძე და აქვე აღ ნიშნავს, რომ ეს ვითარება არ არის სტაბილური.
”ყველაფერი შეიძლება მომენტალურად შემობრუნდეს, ყველაფერი მთავრობის ხელშია. შეკვეცავს ბიუჯეტს 500-600 მილიონი ლარით, ნაკლები ზეწოლა იქნება, არ შეკვეცავს, მაშინ შემოდგომაც მოვა”, - აცხადებს გოცირიძე.
